ગુજરાતમાં મેઘરાજાની ધમાકેદાર એન્ટ્રી થઇ ગઇ છે અને ખાસ કરીને સૌરાષ્ટ્ર અને દક્ષિણ ગુજરાતમાં મૂશળધાર વરસાદ પડી રહ્યો છે. ગુજરાતના હવામાન વિભાગે 17 જૂન, મંગળવારે કેટલાક જિલ્લાઓમાં રેડ, ઓરેન્જ અને યલો એલર્ટની જાહેરાત કરી છે. 20 જૂન સુધી સતત વરસાદ પડવાની આગાહી કરવામાં આવી છે.
જુનાગઢ, ગીર સોમનાથ અને દીવમાં રેડ એલર્ટની જાહેરાત કરવામાં આવી છે. જ્યારે ભરુચ, સુરત, નવસારી, વલસાડ, દમણ, દાદરા નગર હવેલી, રાજકોટ, પોરબંદર અને અમરેલી માટે ઓરેન્જ એલર્ટ જાહેર કરાયું છે. આણંદ, વડોદરા, છોટા ઉદેપુર, નર્મદા, તાપી, ડાંગ, દ્વારકા, અમરેલી અને ભાવનગર માટે યલો એલર્ટ જાહેર કરાયું છે.
હવામાન વિભાગે 20 જૂન સુધી દક્ષિણ ગુજરાત અને સૌરાષ્ટ્રમાં ભારેથી અતિભારે વરસાદની આગાહી કરી છે.