મુકેશ અંબાણીના રાઇટ હેન્ડ ગણાતા અને રિલાયન્સમાં ઉચ્ચ હોદા પર નોકરી કરી ચુકેલા પ્રકાશ શાહ જૈન સાધુ બની ગયા છે. તેઓ 63 વર્ષની વયે રિલાયન્સમાંથી નિવૃત થયા ત્યારે તેમનો પગાર 75 કરોડ રૂપિયા હતો. પરંતુ બધી સંપત્તિ છોડીને પ્રકાશ શાહે પોતાની પત્ની નૈન શાહની સાથે સંસાર છોડીને સંયમનો માર્ગ અપનાવી લીધો છે.
પ્રકાશ શાહના 4 દીકરાઓ છે, જેમાંથી એક દીકરાએ તો પહેલા જ દીક્ષા લઇ લીધી હતી,બીજો દીકરો પરણીત છે અને એક સંતાન છે.પ્રકાશ શાહ રિલાયન્સમાં વાઇસ પ્રેસિડન્ટની પોષ્ટ પર હતા અને કંપનીના મુખ્ય નિર્ણયોમાં તેમનો મોટો ફાળો રહ્યો હતો. પ્રકાશ શાહને ઘણા વર્ષોથી જૈન દર્શનમાં ઉંડો રસ પડ્યો જેને કારણે તેમની આધ્યાત્મિક માન્યતાઓ વધારે મજબુત બની હતી.