મોરબીના ભાજપના ધારાસભ્ય કાંતિ અમૃતિયા છેલ્લાં કેટલાંક દિવસોથી ગુજરાતના રાજકારણમાં ચર્ચામાં છે. વિસાવદરના ધારાસભ્ય ગોપાલ ઇટાલિયાને મોરબીમાં ચૂંટણી લડવા માટે અને જો પોતે હારી જાય તો ગોપાલ ઇટાલિયાને 2 કરોડ રૂપિયા આપવાની વાત કરનાર અમૃતિયાએ પોતાનો 4 હજાર રૂપિયાનો ઇ-મેમો ભર્યો નથી.
સંદેશના એક અહેવાલમાં કહેવામાં આવ્યું છે કે, મોરબીના ધારાસભ્ય કાંતિ અમૃતિયાએ ઇ-મેમો ભર્યા નથી એવો ફોટા સોશિયલ મીડિયામાં વાયરલ થઇ રહ્યા છે. કારની ઓવરસ્પીડીંગ માટે તેમને ટ્રાફીક પોલીસ તરફથી 2024માં એક હજારનો અને 2025માં 3 હજાર રૂપિયાનો ઇ-મેમો મળ્યો છે, પરંતુ હજુ સુધી તેમણે આ ઇ-મેમાનો દંડ ભર્યો નથી.
લાગે છે ગુજરાતમાં બધા નિયમો સામાન્ય પ્રજા માટે છે, ધારાસભ્યોને કોઇ નિયમો લાગૂ પડતા નથી.