વિસાવદરના ધારાસભ્ય ગોપાલ ઇટાલિયાએ આખરે 23 દિવસ પછી 16 જુલાઇએ શપથ લીધા હતા. સાથે કડીના ધારાસભ્ય રાજેન્દ્ર ચાવડાએ પણ શપથ લીધા હતા.
તાજેતરમાં કાંતિ અમૃતિયા અને ગોપાલ ઇટાલિયા વચ્ચેના વિવાદમાં આમ આદમી પાર્ટીએ પોસ્ટ મુકી હતી કે, ગોપાલને શપથ વિધીથી દુર રાખવાનું ભાજપ ષડયંત્ર કરી રહ્યું છે. બુધવારે વિધાનસભાના અધ્યક્ષ શંકરસિંહ ચૌધરીએ ગોપાલના શપથ લેવડાવ્યા હતા. એ પછી કડીના ભાજપના ધારાસભ્ય રાજેન્દ્ર ચાવડાના પણ શપથ થયા હતા.
ગુજરાતમાં ધારાસભ્યોને મહિને 1.37 લાખ રૂપિયા પગાર અને ભથ્થા પેટે આપવામાં આવે છે. જેમાં 78,800 પગાર અને 26792 મોંઘવારી ભથ્થું. ગાંધીનગરમાં માત્ર 37.50 રૂપિયાના ભાડે ધારાસભ્યોને ક્વાર્ટર પણ ફાળવવામાં આવે છે. ઉપરાંત બસમાં મફત મુસાફરીની સુવિધા પણ મળે છે.