ગુજરાતના રાજકોટમાં એક તબીબના નામથી લેટર વાયરલ થયો છે જેને કારણી તબીબ આલમમાં ખળભળાટ મચી ગયો છે. આ લેટરમાં 19 તબીબોની યાદી લખવામાં આવી છે અને કહેવાયું છે કે, સરકારી હોસ્પિટલનો લાખો રૂપિયાનો પગાર લઇને આ તબીબો ખાનગી હોસ્પિટલમાં ફુલ ટાઇમ પ્રેકટીસ કરે છે.
આ લેટર સોશિયલ મીડિયા પર વાયરલ થવાને કારણે, રાજકોટ મેડિકલ કોલેજના ડીન ડો. ભારતી પટેલે કહ્યું છે, આ બાબતે એક કમિટીની રચના કરવામાં આવશે અને તપાસ કરાશે. તેમણે કહ્યું કે, 200 તબીબો ફરજ બજાવે છે તેમાંથી 60 એવા છે જેમની વિથ પ્રાઇવેટ પ્રેકટીસની પરવાનગી મળી છે.
એ સિવાયના 140 તબીબો એવા છે જે ખાનગી હોસ્પિટલમાં પ્રેકટીસ કરી શકે નહીં.