ભાવનગર મહાનગર પાલિકાના મેયર ભરત બારડનો પાલિકાની ચૂંટણી આવે તે પહેલા વ્હોટસએપ ગ્રુપમાં એક મેસેજ ફરતો થતા ભાવનગરના રાજકારણમાં હડકંપ મચી ગયો છે. ગુજરાત ભાજપના મહામંત્રી અને ભાવનગરના પ્રભારી રત્નાકર ભાવનગર પહોંચે તે પહેલા મેયરના આ મેસેજે રાજકારણ ગરમાવી દીધું છે.
ભાવનગર મહાનગર પાલિકાના મેયર ભરત બારડે એક વ્હોટસએપ ગ્રુપમાં લખ્યું કે, તેમને સતત દબાવવાની ભાજપ નેતાઓ દ્વારા કોશિશ કરવામાં આવી રહી છે. તેમની સાથે અન્યાય કરવામાં આવી રહ્યો છે.
બારડે લખ્યું કે, જો મને વધારે દબાવવામાં આવશે તો જાહેરમાં આકરું પગલું ભરી લઇશ. આ મેસેજને કારણે હડકંપ મચ્યો અને ગ્રુપ એડમીને મેયરનો મેસેજ ડિલીટ કરી નાંખ્યો.
પછી ભરત ભારડે પણ યુ-ટર્ન મારી દીધો અને કહ્યું કે, હું પોતે વરિષ્ઠ છુ એટલે મારી કોઇની સામે કોઇ ફરિયાદ નથી.
