સ્મૃતિ મંધાનાએ પિતાના ખરાબ સ્વાસ્થ્યનું કારણ આપીને તેના લગ્ન મુલતવી રાખવાની જાહેરાત કરી, ત્યારે કોઈને અંદાજો પણ નહોતો કે પડદા પાછળ શું ચાલી રહ્યું છે. અત્યાર સુધી ઘણી થિયોરી સામે આવી ચૂકી છે. સોશિયલ મીડિયા પર પલાશ મુચ્છલની ચેટ વાયરલ થઈ રહી છે, કહેવામાં આવી રહ્યું છે કે, સ્મૃતિએ બેવફાઈની જાણ થયા બાદ તેના મ્યૂઝિક કંપોઝર બોયફ્રેન્ડ સાથેના લગ્ન તોડી નાખ્યા. આમ તો કોઈને સત્ય ખબર નથી, પરંતુ હવે આ આખા વિવાદમાં RJ મહવિશની એન્ટ્રી થઈ ચૂકી છે.
ભારતીય ટીમના સ્ટાર સ્પિનર યુઝવેન્દ્ર ચહલની કથિત ગર્લફ્રેન્ડ RJ મહવિશે સોશિયલ મીડિયા પર એક વીડિયો શેર કર્યો છે, જેમાં તેણે કટાક્ષપૂર્ણ અંદાજમાં સમગ્ર પુરુષ સમુદાયને કઠેડામાં ઊભો કરી દીધો છે. મહવિશનું કહેવું છે કે, જો મારા વાળો કોઈ છોકરીને મેસેજ કરે છે તો, તેનો સ્ક્રીનશૉટ વાયરલ કરી દઈશ.
પુરુષો ખૂબ જ સુંદર વસ્તુ હોય છે. જ્યારે તમે પૂછો છો ત્યારે તેઓ સિંગલ જ હોય છે. જુઓ ભાઈ, મને સત્ય-અસત્ય ખબર નથી, પરંતુ હું મારા લગ્નના એક અઠવાડિયા પહેલા મારા વરરાજાને ઇન્ટરનેટ પર લોન્ચ કરી રહી છું. અને મારા વાળો જેના પણ DMમાં સુહાગરાત મનાવી રહ્યો હશે, છોકરીઓ પ્લીઝ મને આવીને કહી દેજો. અને એ ન વિચારતા કે હવે તો લગ્ન કરી રહી છે, તેને કેવી રીતે ખબર પડશે? તેના પર ભરોસો કરતી જ હશે. નહીં! હું આ દુનિયામાં કોઈ પર વિશ્વાસ કરતી નથી. હવે હું કોઈ માટે એમ શકતી નથી કે આ છોકરો કોઈ માટે કંઈ નહીં કરી શકે. કોઈ કંઈપણ કરી શકે છે. તમે તેના સ્ક્રીનશૉટ સાર્વજનિક કરી શકો છો, અથવા મને વ્યક્તિગત રીતે મોકલી દેજો અને હું તેને સાર્વજનિક કરી દઈશ અને કદાચ હું તેને સાર્વજનિક પણ ન કરું, હું માત્ર શાંતિથી નીકળીને જવા માગુ છું. બચાવો, મિત્ર! આ લખાય છે ત્યાં સુધી આ વીડિયોને 184,000થી વધુ લાઈક્સ મળી છે અને કોમેન્ટ સેક્શન મજેદાર વાતોથી ભરેલો છે.
ભારતીય મહિલા ક્રિકેટ ટીમની સ્ટાર બેટ્સમેન સ્મૃતિ મંધાના અને મ્યૂઝિક કંપોઝર પલાશ મુચ્છલ 23 નવેમ્બરના રોજ લગ્ન કરવાના હતા. પરંતુ સમાચાર આવ્યા કે સ્મૃતિના પિતા હોસ્પિટલમાં દાખલ થવાને કારણે લગ્ન અનિશ્ચિત સમય માટે મુલતવી રાખવામાં આવ્યા છે. અહી સુધી તો બધું બરાબર લાગતું હતું, પરંતુ વળાંક ત્યારે આવ્યો જ્યારે સ્મૃતિએ પલાશ સાથેના તેના લગ્ન સંબંધિત સોશિયલ મીડિયા પોસ્ટ્સ ડિલીટ કરી દીધી. આ દરમિયાન સોશિયલ મીડિયા પર ચેટના સ્ક્રીનશોટ વાયરલ થયા, જેમાં પલાશ એક કોરિયોગ્રાફર સાથે ફ્લર્ટિંગ મેસેજની કરતો જોવા મળે છે. પલાશની પ્લેબેક સિંગર બહેન પલકે એક ટૂંકી નોટ શેર કરીને અટકળોને શાંત કરવાનો પ્રયાસ કર્યો, જેમાં કહેવામાં આવ્યું કે લગ્ન માત્ર દુલ્હનના પિતાના સ્વાસ્થ્યને કારણે મુલતવી રાખવામાં આવ્યા છે. જોકે, સ્મૃતિ કે પલાશે હજુ સુધી આ બાબતે કોઈ પ્રતિક્રિયા આપી નથી.
