પશ્ચિમ બંગાળમાં સ્પેશિયલ ઇન્ટેન્સિવ રિવિઝન (SIR) પર રાજકીય ઉથલપાથલ વધુ તીવ્ર બની છે. કલ્યાણ બેનર્જીએ અનેક વિવાદાસ્પદ નિવેદનો આપ્યા છે, જેમાં ચૂંટણી પંચ અને BJP પર તીખા આરોપો લગાવ્યા છે, જેના કારણે રાજકીય વાતાવરણ ગરમાયું છે. કલ્યાણ બેનર્જીએ દાવો કર્યો હતો કે, SIR પ્રક્રિયા દરમિયાન મોટી સંખ્યામાં હિન્દુ મતદારોના નામ મતદાર યાદીમાંથી દૂર કરવામાં આવ્યા હતા. તેમનું કહેવું છે કે આ પ્રક્રિયા ઘુસણખોરોને દૂર કરવાના નામે હાથ ધરવામાં આવી હતી, પરંતુ તેનાથી સ્થાનિક બંગાળી હિન્દુઓને અસર થઈ હતી. તેમણે આરોપ લગાવ્યો કે, BJP મુસ્લિમ મતો કાપવા માંગતો હતો, પરંતુ તેના બદલે હિન્દુ મતો કપાઈ ગયા હતા.
TMC સાંસદ કલ્યાણ બેનર્જીએ ભારતના ચૂંટણી પંચની નિષ્પક્ષતા પર પ્રશ્ન ઉઠાવ્યો, અને તેમના પર BJPના રાજકીય પ્રભાવ હેઠળ કામ કરતા હોવાનો આરોપ લગાવ્યો. આ સાથે તેમણે ગૃહમંત્રી અમિત શાહ અને કેન્દ્ર સરકારની રણનીતિ વિશે પણ તીખી ટિપ્પણીઓ કરી હતી અને કહ્યું હતું કે, આ પ્રકારની ચાણક્યગીરી બંગાળમાં કામ કરશે નહીં. TMC સાંસદ કલ્યાણ બેનર્જીએ પોતાના આ નિવેદનમાં અનેક અપમાનજનક શબ્દોનો ઉપયોગ કર્યો હતો અને તેના કારણે રાજકીય વિવાદ વધારે વધી ગયો હતો. તેમણે ‘જય શ્રી રામ’ના નારા પર કટાક્ષ કરતા તેમના પર મજાક પણ કરી હતી અને કેન્દ્ર સરકારના નેતાઓ પર આકરા પ્રહારો કર્યા હતા.
TMC સાંસદ કલ્યાણ બેનર્જીએ ઓવૈસીને ‘વોટ કાપનાર’ તરીકે ગણાવ્યા હતા અને તેમના પર મુસ્લિમ સમુદાય માટે નક્કર કામ ન કરવાનો આરોપ લગાવ્યો હતો. આ ઉપરાંત, યુનિફોર્મ સિવિલ કોડ (UCC) અંગે, તેમણે કહ્યું કે BJP પાસે તેનો અમલ કરવાની હિંમત નથી અને તે ધાર્મિક અધિકારો સાથે સંબંધિત એક સંવેદનશીલ મુદ્દો છે. TMC સાંસદ કલ્યાણ બેનર્જીએ ચેતવણી પણ આપી હતી કે, જનતા SIR મુદ્દા પર પ્રતિક્રિયા આપશે, અને તેની અસર આગામી ચૂંટણીઓમાં જોવા મળશે.
તેમણે વધુમાં કહ્યું કે, CM મમતા બેનર્જીના નેતૃત્વ હેઠળ TMC આ મુદ્દા માટે લડવાનું ચાલુ રાખશે. અહીં તમને જણાવી દઈએ કે, TMC સાંસદ કલ્યાણ બેનર્જીના નિવેદનથી બંગાળના રાજકારણમાં એક નવો વિવાદ ઉભો થવા પામ્યો છે. SIR પ્રક્રિયા, મતદાર યાદીઓ અને ધાર્મિક-રાજકીય મુદ્દાઓ અંગે આક્ષેપો અને પ્રતિ-આક્ષેપો વચ્ચે, આવનારી ચૂંટણીમાં આ મુદ્દો મહત્વપૂર્ણ ભાગ ભજવી શકે એમ છે.
પ્રાંતિજ ખાતે એ.પી.જવેલર્સ સાબરકાંઠા-અરવલ્લી જિલ્લાનો વિશાળ એક માત્ર શોરૂમ