પ્રાંતિજ ત્રણ રસ્તાથી SMC એ કારમાંથી ૧.૫૬ લાખનો વિદેશી દારૂ ઝડપી પાડયો
– ચાલક સહિત બે ઝડપી પ્રાંતિજ પોલીસ સ્ટેશનમાં પાંચ સામે ગુનો નોંધાયો
સાબરકાંઠા જિલ્લાના પ્રાંતિજ ત્રણ રસ્તા પાસે રેલવે ઓફિસ નજીક સ્ટેટ મોનિટરિંગ સેલે કારમાંથી ૧.૫૬ લાખનો વિદેશી દારૂ સાથે ચાલક અને હેલ્પરને ઝડપી લીધો હતો અને પ્રાંતિજ પોલીસ સ્ટેશનમાં ૮.૬૫ લાખના મુદ્દા માલ સાથે પાંચ સામે ગુનો નોંધાયો
હિંમતનગર થી અમદાવાદ નેશનલ હાઈવે પર આવેલ પ્રાંતિજ ત્રણ રસ્તા પાસેના રેલ્વે ઓવરબ્રિજ નજીક એસ એમ સી એ રાત્રિ દરમિયાન અમદાવાદ તરફ જતી ક્રેટા કાર નંબર જી.જે.૦૧ આર.એસ ૬૧૪૯ કારમાંથી વિદેશી દારૂની ૧૩૦૩ બોટલ કિંમત રૂપિયા ૧,૫૬,૨૨૦ ત્રણ મોબાઈલ ૯૦૦૦ રૂપિયા, ૭લાખની કાર મળી કુલ રૂપિયા ૮.૬૫,૨૨૦ નો મુદા માલ કબજે લઈને કાર ચાલક નરેશ નાથુજી મેઘવાલ રહે. છીપલા તાલુકો ગોદુંદા જિલ્લો ઉદેપુર રાજસ્થાન તથા હેલ્પર નિર્ભયલાલજી ભુરાલાલજી મેઘવાલ રહે. શિવાસિ કા ગુડા, તાલુકો દેલવાડા, જિલ્લો રાજસંમદ રાજસ્થાન ને ઝડપી લીધા હતા આ અંગે SMCએ પ્રાંતિજ પોલીસ સ્ટેશનમાં ઝડપાયેલા બે અને ભવરસિંહ રાજપુત (દારૂ સપ્લાય કરનાર અને પાઇલોટિંગ કરનાર મુખ્ય આરોપી રહે જવાદ, તાલુકો સરાડા જિલ્લો ઉદેપુર રાજસ્થાન તથા રીંગરોડ અમદાવાદ પર માલ મંગાવનાર અજાણ્યો ઈસમ તથા ક્રેટા કાર નંબર જી.જે.૦૧ આર.એસ-૬૧૪૯ નો માલિક સહિત પાંચ સામે ગુનો નોંધાવ્યો
જીલ રાવલ પ્રાંતિજ