ગુજરાતના લોક ગાયક વિજય સુવાળા અત્યારે ચર્ચામાં છે. સુવાળા સામે અમદાવાદ પોલીસ સ્ટેશનમાં ગુનો નોંધાયો છે. તેમણે ભાજપના એક નેતા પર 50 સાગરિતો સાથે હુમલો કર્યો હોવાનો આરોપ છે. આ વિજય સુવાળા આહિર સમાજના સુપર સ્ટાર સિંગર તરીકે ઓળખાય છે. તેઓ પહેલા આમ આદમી પાર્ટીમાં જોડાયા હતા પણ 7 જ મહિનામાં AAP છોડીને જાન્યુઆરી 2022મામાં ભાજપમાં આવી ગયા હતા.
વિજય સુવાળા મહેસાણાના સુવાળા ગામના વતની છે. તેમના પરિવારની આર્થિક સ્થિતિ સારી નહોતી અને પિતા ટ્રક ડ્રાઇવર હતા. વિજયને નાનપણથી પૈસાદાર બનવાના સપના હતા. શરૂઆતમાં તેઓ માતાજીની રેગડી અને ગરબા ગાતા હતા. એક મિત્રની સલાહથી પ્રોફેશનલ સિંગર બનવા તરફ આગળ વધ્યા અને સીદડી તલાવડી ગીત અને મોહબત ખપે બીજુ કંઇ ના ખપે ગીત પછી રાતોરાત ફેમસ થઇ ગયા હતા.
