iPhone 16 Pro દુનિયભારમાં લોંચ થઇ ગયો છે, ભારતમાં બનવા છતા આ ફોન દેશમાં સૌથી મોંઘો છે. ભારતમાં iPhone 16 Proની કિંમત 1, 19,900 છે અને તેની સામે દુબઇમાં 98,272માં ભાવ છે. મતલબ કે, ભારત અને દુબઇમાં 17,628 રૂપિયાનો ફરક છે.
હવે લોકો શું કરી રહ્યા છે કે ભારતને બદલે દુબઇ આ ફોન ખરીદવા માટે જાય છે. કારણકે, મુંબઇથી દુબઇ અને દુબઇથી મુંબઇનો એર ફેર 12,700 રૂપિયા છે અને એક વ્યકિત સત્તાવાર રીતે 2 ફોન સાથે લાવી શકે છે. મતલબ કે દુબઇ ફરીને આવ્યા પછી પણ વ્યકિતને 8થી 10,000નો ફાયદો થાય છે. કેટલાંક લોકોએ તો ધંધો બનાવી દીધો છે. ગામડાના 5-7 લોકોને દુબઇ મોકલવામાં આવે અને એ રીતે 10-12 ફોન ભારત લાવીને નફો રળી લે છે.
