ફરી એક વાર ગુજરાત પર મેઘરાજાના મંડાણ થયા છે અને 72 કલાક ગુજરાત માટે ભારે છે. ગુજરાતના હવામાન વિભાગે કેટલાંક જિલ્લાઓમાં રેડ એલર્ટ પણ જાહેર કર્યું છે.
હવામાન વિભાગે કહ્યું છે કે 26 સપ્ટેમ્બરે, ગુરુવારે વલસાડ, દમણ, દાદરા નગર હવેલીમાં રેડ એલર્ટ છે અને નવસારી, તાપી. ડાંગમાં ઓરેંજ એલર્ટ જાહેર કરાયું છે. જ્યારે 27 સપ્ટેમ્બર અને 28 સપ્ટેમ્બરે બંને દિવસો માટે ગુજરાતના તમામ 33 જિલ્લાઓમાં યલો એલર્ટ જાહેર કરવામાં આવ્યું છે.
બંગાળની ખાડી પર જે સાયક્લોનિક સર્ક્યુલેશન ઉભું થયું છે તે ધીમે ધીમે આગળ વધી રહ્યું છે જેને કારણે ભારે વરસાદની સંભાવના છે.
ગુજરાતના હવામાનના જાણકાર અંબાલાલ પટેલે દાવો કર્યો છે કે, સુરતમાં આગામી 72 કલાકમાં 8થી 10 ઇંચ જેટલો વરસાદ પડી શકે છે.
