સુરત ભાજપના કોર્પોરેટરને ફુડ પોઇઝનિંગ કે પછી…

સુરત ભાજપના કોર્પોરેટર અને પૂઈવ શાસક પક્ષના નેતાને શનિવારે એક ખાનગી હોસ્પિટલમાં દાખલ કરવામાં આવ્યા તેને કારણે ભાજપના નેતાઓ ચિંતામાં મુકાઇ ગયા હતા. શનિવારે નેતાઓ અને કાર્યકરો હોસ્પિટલ દોડી ગયા હતા.

સુરતના ડિંડોલી વિસ્તારના કોર્પોરેટર અને પૂર્વ શાસક પક્ષના નેતા અમિતસિંહ રાજપૂતને શનિવારે એક ખાનગી હોસ્પિટલમાં દાખલ કરવામાં આવ્યા હતા. ભાજપ નેતાઓએ કહ્યું કે ફુડ પોઇઝનિંગને કારણે તેમને દાખલ કરાયા અને તેમની તબિયત સુધારા પર છે.

જો કે દિવ્ય ભાસ્કરના અહેવાલમાં જણાવાયું છે કે આ ભાજપ નેતાએ ઘર કંકાસથી કંટાળીને અનાજમાં નાંખવાની ગોળી ખાઇ લીધી હતી.

અમિતસિંહ રાજપૂત તાજેતરમાં વિવાદમાં પણ આવ્યા હતા. ગોડાદરા વિસ્તારના એક બિલ્ડરની ઓફિસમાં ભાજપ નેતાએ જબરદસ્તીથી ચેક લખાવી લીધાની ફરિયાદ થઇ હતી.