જો તમે રજાઓમાં ફરવા જવાની યોજના બનાવી રહ્યા છો અને તમારા રોકાણ માટે OYO રૂમ બુક કરાવવા માંગો છો, તો આ સમાચાર તમારા માટે છે. Oyo Roomsએ તેની ચેક ઇન પોલિસીમાં ફેરફાર કર્યો છે. હોટેલ અને ટ્રાવેલ બુકિંગ દિગ્ગજ OYOએ તેના ગ્રાહકોને મોટો ઝટકો આપ્યો છે અને ચેક-ઇન પોલિસીમાં ફેરફાર કર્યો છે. OYOની નવી ચેક-ઇન પોલિસી અનુસાર, હવેથી અપરિણીત યુગલોને ચેક-ઇન કરવાની મંજૂરી આપવામાં આવશે નહીં. પણ આ પોલિસી હાલમાં ફક્ત એક જ શહેરમાં લાગૂ કરવામાં આવી છે.
Oyoએ પાર્ટનર હોટલ માટે નવી ચેક-ઈન પોલિસી શરૂ કરી છે. નવી નીતિ હેઠળ, હવે અપરિણીત યુગલોને OYO હોટલના રૂમમાં ચેક-ઇન કરવાની મંજૂરી આપવામાં આવશે નહીં. કંપનીએ તેની શરૂઆત મેરઠથી કરી દીધી છે. Oyoએ મેરઠથી શરૂ કરીને ભાગીદાર હોટલ માટે નવી ‘ચેક-ઇન’ નીતિ લાગુ કરી છે.
નવી નીતિ અનુસાર, અપરિણીત યુગલોને હવે ‘ચેક-ઈન’ કરવાની મંજૂરી આપવામાં આવશે નહીં. એટલે કે હોટલમાં માત્ર પતિ-પત્ની જ રૂમ લઈ શકશે. સુધારેલી નીતિ હેઠળ, તમામ યુગલોને ‘ચેક-ઈન’ સમયે તેમના સંબંધનો માન્ય પુરાવો આપવા માટે કહેવામાં આવશે. આમાં ઓનલાઈન કરેલું બુકિંગ પણ સામેલ છે. કંપનીએ કહ્યું કે, OYOએ તેની ભાગીદાર હોટલોને સ્થાનિક સામાજિક સંવેદનશીલતાને ધ્યાનમાં રાખીને તેમની વિવેકબુદ્ધિથી અપરિણીત યુગલોનું બુકિંગ નહીં કરવાનો અધિકાર આપ્યો છે.
OYOએ મેરઠમાં તેની ભાગીદાર હોટલોને તાત્કાલિક અસરથી આની ખાતરી કરવા સૂચના આપી છે. પોલિસીમાં ફેરફારથી પરિચિત લોકોએ કહ્યું કે, ગ્રાઉન્ડ રિસ્પોન્સના આધારે કંપની તેને વધુ શહેરોમાં વિસ્તારી શકે છે. તેમણે કહ્યું કે, OYOને આ મુદ્દાને ઉકેલવા માટે ખાસ કરીને મેરઠમાં સામાજિક જૂથો તરફથી પણ પ્રતિક્રિયાઓ મળી હતી. આ સિવાય કેટલાક અન્ય શહેરોના રહેવાસીઓએ પણ માંગ કરી છે કે, અપરિણીત યુગલોને OYO હોટલમાં ચેક-ઈન કરવાની મંજૂરી ન આપવી જોઈએ.
OYO ઉત્તર ભારતના એરિયા હેડ પાવસ શર્માએ જણાવ્યું હતું કે, OYO સુરક્ષિત અને જવાબદાર આતિથ્ય પ્રથાઓને જાળવવા માટે પ્રતિબદ્ધ છે. અમે વ્યક્તિગત સ્વતંત્રતાઓનો આદર કરીએ છીએ, પરંતુ અમે આ બજારોમાં કાયદા અમલીકરણ અને નાગરિક સમાજ જૂથોને સાંભળવાની અને તેમની સાથે કામ કરવાની અમારી જવાબદારીને પણ ઓળખીએ છીએ. તેમણે કહ્યું કે, કંપની સમય સમય પર આ નીતિ અને તેની અસરની સમીક્ષા કરતી રહેશે.
