એપલના આવનારા સ્માર્ટફોનને લઈને ઘણા લીક રિપોર્ટ્સ આવવા લાગ્યા છે. જો આ અહેવાલો પર વિશ્વાસ કરવામાં આવે તો, iPhone 17 Air આ વર્ષે એક નવું ઉપકરણ હશે, જે કંપનીની 17-સિરીઝમાં સામેલ થશે. આ બ્રાન્ડનો સૌથી પાતળો ફોન હોઈ શકે છે, જેમાં સિંગલ રિયર કેમેરા અને અન્ય ફીચર્સ આપવામાં આવશે. ચાલો જાણી લઈએ તેના વિશે વિગતવાર…
એપલનો એક ખાસ સ્માર્ટફોન ગયા વર્ષથી જ ચર્ચામાં છે, જે આ વર્ષે લોન્ચ થઈ શકે છે. અમે iPhone 17 Air વિશે વાત કરી રહ્યા છીએ, જે કંપનીનો સૌથી પાતળો ફોન કહેવાય છે. એપલે આ ફોન લોન્ચ થશે કે નહીં તે અંગે કોઈ સત્તાવાર માહિતી આપી નથી.
જો કે, આ સ્માર્ટફોનની માર્કેટમાં ઘણી ચર્ચા થઈ રહી છે. જો રિપોર્ટ્સનું માનીએ તો, કંપની સપ્ટેમ્બર 2025માં આ ફોન લોન્ચ કરી શકે છે અને આ હેન્ડસેટ iPhoneના પ્લસ વેરિઅન્ટને રિપ્લેસ કરશે.
સાઉથ કોરિયન પબ્લિશર સિસા જર્નલના જણાવ્યા અનુસાર, એપલનો આ ફોન એકદમ સ્લિમ હશે. iPhone 17 એરની જાડાઈ માત્ર 6.25mm હોઈ શકે છે. Appleનો સૌથી પ્રખ્યાત ફોન iPhone 6 હતો, જેની જાડાઈ 6.9mm હતી. આ ફોન હાલના iPhone 16 અને iPhone 16 Plus કરતાં 20 ટકા પાતળો હશે.
આ સિવાય એવું માનવામાં આવે છે કે, આ સ્માર્ટફોન iPhone 17 Plusને રિપ્લેસ કરશે. એટલે કે કંપની iPhone 17 Plus લોન્ચ નહીં કરે, પરંતુ iPhone 17 Air લોન્ચ કરશે. અમેરિકન માર્કેટમાં તેની કિંમત 899 ડૉલર (લગભગ 77 હજાર રૂપિયા) હોઈ શકે છે.
જો કે, અન્ય બજારોમાં આ ઉપકરણની કિંમત વધુ હશે. જેમ કે, UKમાં કંપની આ ફોનને 899 પાઉન્ડ (લગભગ 92 હજાર રૂપિયા)માં લોન્ચ કરશે. ભારતમાં આ ફોનની કિંમત વિશે કોઈ માહિતી નથી. તેમાં 6.6 ઇંચની ડિસ્પ્લે આપવામાં આવી શકે છે.
તેમજ બ્રાન્ડ માત્ર એક કેમેરા આપશે. બ્રાન્ડ iPhone 17 એરમાં તેના ઇન-હાઉસ મોડેમનો ઉપયોગ કરી શકે છે. આ સ્માર્ટફોન A19 પ્રોસેસર સાથે લોન્ચ થશે અને તેમાં ડાયનેમિક આઇલેન્ડ જેવું ફીચર હશે. તેમાં 8GB રેમ આપી શકાય છે અને તે Apple Intelligenceને સપોર્ટ કરશે.
પાતળા iPhoneનો અર્થ એ છે કે, તમારે ઘણી સુવિધાઓ સાથે સમાધાન કરવું પડી શકે છે. આવા ફોનમાં બેટરી નાની હોય છે અને ચાર્જિંગ સ્પીડ પણ ઓછી હોય છે. પહેલાથી જ એવા અહેવાલો છે કે, કંપની તેમાં ફક્ત એક રિયર કેમેરા આપી શકે છે. લીક થયેલી કિંમતથી સ્પષ્ટ છે કે iPhone 17 Airની કિંમત Pro વેરિયન્ટ્સ કરતા ઓછી હશે.
