દિલ્હીનો એક છોકરો IIT બોમ્બેમાં ભણ્યો અને ગ્રેજ્યુએશન પુરુ થાય તે પહેલાં જ એને કેમ્પસ ઇન્ટરવ્યૂમાં ઉંચા પેકેજ સાથેની નોકરી મળી ગઇ, પરંતુ અંદરથી બિઝનેસ કરવાનો ધમધમાટ હતો એટલે યુવાને નોકરી છોડી દીધી અને મિત્રો પાસેથી 5 લાખ રૂપિયા ઉછીના લઇને પોતાનો બિઝનેસ શરૂ કર્યો, 10 વર્ષની અંદર 1000 કરોડની કંપની બનાવી દીધી.
નીતિન શેઠ દિલ્હીનો છે અને મધ્યમ વર્ગ પરિવારમાંથી આવે છે, તેણે મોટા પેકેજની નોકરી છોડીને SMS મેજીક નામથી સ્ટાર્ટઅપ શરૂ કર્યું અને તેની કંપની અમેરિકા, યુકે, ઓસ્ટ્રેલિયામાં જાણીતી બની ગઇ છે. SMS મેઝીકની સાથે નીતિને કન્વર્સિવ નામની પોતાની એક બ્રાન્ડ બનાવી જે ડોકટર્સ, શૈક્ષણિક સંસ્થાઓ અને નાણાસંસ્થાઓને કામની છે.
