ટીમ ઈન્ડિયાના સ્ટાર બેટ્સમેન વિરાટ કોહલી તાજેતરમાં રણજી ટ્રોફીમાં દિલ્હીની ટીમ તરફથી રમ્યો હતો. મેદાન પર ચાહકોનો ભારે ધસારો હતો અને દિલ્હીના સ્ટેડિયમમાં ખૂણે ખૂણે કોહલી-કોહલીના નામના પડઘા સંભળાઈ રહ્યા હતા. પરંતુ આ બધા નારાઓ વચ્ચે, જે શૂન્યમાંથી હીરો બન્યો તે બોલર હિમાંશુ સાંગવાન હતો, જેણે વિરાટનું પણ દિલ જીતી લીધું છે. વિરાટની વિકેટ પડતાની સાથે જ દરેક ભારતીય ચાહકના હોઠ પર સાંગવાનનું નામ આવી ગયું. કોહલી પણ આ બોલરનો ચાહક બની ગયો હતો, હાલમાં મેચ પછીનો એક વીડિયો સોશિયલ મીડિયા પર વાયરલ થઈ રહ્યો છે.
હિમાંશુ સાંગવાન રેલવે તરફથી રમે છે, તે દિલ્હીમાં TT તરીકે કામ કરે છે. દિલ્હી સામે કોહલીએ હિમાંશુને એક શક્તિશાળી ચોગ્ગો ફટકાર્યો. બીજા જ બોલ પર, સાંગવાને કોહલીનું સ્ટંમ્પ ઉખાડી નાખ્યું હતું. ત્યાર પછી તે પ્રખ્યાત થઇ ગયો હતો અહીં સુધી પહોંચવા માટે હિમાંશુને ઘણો સંઘર્ષ કરવો પડ્યો હતો. મીડિયા સૂત્રને આપેલા એક ઇન્ટરવ્યુમાં તેમણે જણાવ્યું હતું કે, તેઓ 17 વર્ષની ઉંમરે જયપુરમાં પોતાના પરિવારને છોડીને આવ્યા હતા. આ પછી, તેણે દિલ્હીના નજફગઢમાં ભાડાના મકાન માટે ઘણા દરવાજા ખટખટાવ્યા. તેને એક નવો પરિવાર મળ્યો, જેની સાથે સાંગવાન વર્ષોથી રહે છે.
સાંગવાને ઇન્સ્ટાગ્રામ પર એક વીડિયો શેર કર્યો છે, જેમાં વિરાટ કોહલી પણ તેનો ચાહક બનેલો દેખાય છે. સાંગવાને પોસ્ટમાં લખ્યું, ‘ભગવાનની યોજના ખરેખર અદ્ભુત છે, વિરાટ કોહલી સરનો ખૂબ ખૂબ આભાર.’ વીડિયોમાં, કોહલીએ તેને ભવિષ્ય માટે શુભકામનાઓ પાઠવી હતી. તેણે કહ્યું, ‘જ્યારે મેં તેને (કોહલીને) બોલ સાઇન કરવા માટે આપ્યો, ત્યારે તેણે પૂછ્યું, ‘શું આ એ જ બોલ છે જેનાથી તેં મને આઉટ કર્યો હતો? કેવો સરસ બોલ હતો દોસ્ત, મને ખૂબ મજા આવી ગઈ. તું ખૂબ જ ઝડપી બોલર છે. સખત મહેનત કરતા રહો. તમારા ભવિષ્ય માટે શુભકામનાઓ.’
View this post on Instagram
આ વિકેટ અંગે સાંગવાને મીડિયા સૂત્રને કહ્યું કે, ‘આ મારા જીવનની સૌથી મહત્વપૂર્ણ વિકેટ છે. આ કહેવાની જરૂર નથી. વિરાટ કોહલી સમગ્ર દેશ માટે પ્રેરણાસ્ત્રોત છે. મારા જીવનમાં પહેલી વાર, મેં રણજી ટ્રોફીની રમત માટે આટલા બધા લોકોને આવતા જોયા. આ આપણા બધા માટે ખાસ હતું.’
