WhatsApp દુનિયામાં સૌથી વધુ ઉપયોગમાં લેવાતી ઇન્સ્ટન્ટ મેસેજિંગ એપ છે. ચેટિંગથી લઈને, વોઇસ કોલિંગ અને વીડિયો કોલિંગ માટે તેનો ઉપયોગ વ્યાપકપણે થાય છે. આજે WhatsApp આપણા રોજિંદા જીવનનો એક મહત્વપૂર્ણ ભાગ બની ગયું છે અને લગભગ 3.5 અબજ લોકો તેનો ઉપયોગ તેમના ફોન પર કરે છે. યુઝર્સને નવો અનુભવ આપવા માટે, કંપની નવા નવા ફિચર્સ લાવે છે. આ દરમિયાન, WhatsApp એ બીજુ એક ફિચર્સ રોલ આઉટ કર્યું છે.
વોટ્સએપે 2025 ના શરૂઆતી 3 મહિનામાં ઘણા ફિચર્સ લોન્ચ કર્યા છે. બીજી તરફ, તે આવા ઘણા ફિચર્સ પર કામ કરી રહ્યું છે જે આગામી મહિનાઓમાં ટૂંક સમયમાં રોલઆઉટ કરવામાં આવશે. આ દરમિયાન, WhatsApp કોલિંગ અને વીડિયો કોલિંગ માટે એક નવું ફીચર લાવ્યું છે. જો તમે WhatsApp પર વોઇસ કોલ કે વીડિયો કોલ કરો છો, તો હવે તમને એક નવો અનુભવ મળશે.
WABetainfo એ શેર કરી વિગતો
વોટ્સએપના આગામી ફીચર વિશેની માહિતી લોકપ્રિય વેબસાઇટ WABetainfo દ્વારા શેર કરવામાં આવી છે. WhatsAppનું આગામી ફીચર ગૂગલ પ્લે સ્ટોર પર ઉપલબ્ધ લેટેસ્ટ WhatsApp beta for Android 2.25.10.16 updateમાં જોવા મળ્યું છે. આ દર્શાવે છે કે WhatsApp વીડિયો કોલ અને વોઇસ કોલ માટે ત્રણ નવા ફીચર્સ લાવી રહ્યું છે. હાલમાં, કંપનીએ બીટા યુઝર્સ માટે આ ફિચર્સ રોલઆઉટ કર્યા છે.
મળશે મ્યૂટ બટન ફિચર્સ
WABetainfo દ્વારા WhatsAppના આ આગામી ફીચર્સનો સ્ક્રીનશોટ પણ શેર કરવામાં આવ્યો છે. વોટ્સએપ યુઝર્સને મળનારી પહેલુ ફિચર્સ મ્યૂટ બટન છે જે તેમને ઇનકમિંગ વોઇસ કોલ નોટિફિકેશનને મ્યૂટ કરવાની મંજૂરી આપે છે. વોટ્સએપનું આ ફિચર્સ યુઝર્સને માઇક્રોફોન મ્યૂટ કરીને કોલ ઉપાડવાની સુવિધા આપે છે.
વીડિયો કૉલ્સ કરી શકાશે બંધ
વોટ્સએપ યુઝર્સને વીડિયો કોલિંગ દરમિયાન એક નવું ફિચર મળવાનું છે. એકવાર રોલઆઉટ થયા પછી, WhatsApp નું નવું ફિચર યુઝર્સને વીડિયો કોલ ઉપાડતા પહેલા વીડિયો બંધ કરવાની મંજૂરી આપશે. પહેલા, યુઝર્સને કૉલ ઉપાડ્યા પછી કેમેરા બંધ કરવો પડતો હતો, જે થોડો અસુવિધાજનક હતો, પરંતુ હવે યુઝર્સ કૉલ ઉપાડતા પહેલા પણ વીડિયો બંધ કરી શકશે. WhatsApp ટૂંક સમયમાં તેના ગ્રાહકોને તેમના વીડિયો કોલમાં ઇમોજી રિએક્શનની મંજૂરી આપશે. આ એક એવી સુવિધા છે જે યુઝર્સને વીડિયો કૉલ દરમિયાન રિયલ ટાઈમમાં પ્રતિક્રિયા આપવાની મંજૂરી આપશે.