ફરી એકવાર સ્વિસ બેંકોમાં ભારતીયો દ્વારા જમા કરાયેલા પૈસા અંગે ચર્ચા થઈ રહી છે. તાજેતરના અહેવાલ મુજબ, ભારતીય લોકો અને કંપનીઓ દ્વારા સ્વિસ બેંકોમાં જમા કરાયેલા પૈસા 2023ની સરખામણીમાં 2024માં ત્રણ ગણા વધીને 3.54 અબજ સ્વિસ ફ્રેંક (લગભગ 37,600 કરોડ રૂપિયા) સુધી પહોંચી ગયા છે. સ્વિસ નેશનલ બેંકે 19 જૂને આનો ખુલાસો કર્યો છે. અહીં તમને જણાવી દઈએ કે, 2021 પછી સ્વિસ બેંકોમાં ભારતીયો દ્વારા જમા કરાયેલા પૈસામાં આ સૌથી મોટો વધારો છે.
અહીં તમને જણાવી દઈએ કે, 2023માં સ્વિસ બેંકોમાં જમા કરાયેલી રકમ ચાર વર્ષમાં સૌથી નીચા સ્તરે હતી અને તે 1.04 અબજ સ્વિસ ફ્રેંક હતી. એક સમાચાર એજન્સીના અહેવાલ મુજબ, આ વધારો બેંકિંગ ચેનલો અને અન્ય નાણાકીય સંસ્થાઓ દ્વારા સ્વિસ બેંકોમાં જમા કરાયેલા પૈસાને કારણે થયો છે, વ્યક્તિગત ગ્રાહકોના ખાતાઓને કારણે નહીં. ભારતીય ગ્રાહકો તરફથી સીધી થાપણો નજીવી વધીને 11 ટકા થઈને 346 મિલિયન સ્વિસ ફ્રેંક (લગભગ રૂ. 3,675 કરોડ) થઈ. આ થાપણો કુલ ભારતીય-સંકળાયેલા ભંડોળનો માત્ર દસમો ભાગ છે.
SNB અનુસાર, કુલ 3,545.54 મિલિયન CHF ભારતીય ગ્રાહકો પ્રત્યે સ્વિસ બેંકોની બધી જવાબદારીઓનું પ્રતિનિધિત્વ કરે છે. આમાં અન્ય બેંકો દ્વારા રાખવામાં આવેલા CHF 3.02 બિલિયન, ગ્રાહક ખાતાઓમાં 346 મિલિયન CHF, વિશ્વાસુઓ અથવા ટ્રસ્ટ દ્વારા 41 મિલિયન CHF અને બોન્ડ અને સિક્યોરિટીઝ જેવા અન્ય સાધનોમાં CHF 135 મિલિયનનો સમાવેશ થાય છે.
સ્વિસ બેંકોમાં જમા કરાયેલા નાણાં ભારતીય વ્યક્તિઓ અને કંપનીઓના છે. બેંકો અને નાણાકીય સંસ્થાઓ દ્વારા પ્રાપ્ત ભંડોળને કારણે આ રકમમાં વધારો થયો છે.
વ્યક્તિગત ગ્રાહકોના ખાતામાં જમા કરાયેલી રકમ વિશે વાત કરીએ તો, તેમાં માત્ર 11 ટકા (346 મિલિયન સ્વિસ ફ્રેંક એટલે કે લગભગ 3,675 કરોડ રૂપિયા)નો વધારો થયો છે. આ કુલ થાપણ રકમનો માત્ર દસમો ભાગ છે. મોટાભાગના પૈસા બેંકો, નાણાકીય સંસ્થાઓ, બોન્ડ અને સિક્યોરિટીઝ જેવા ચેનલોમાંથી આવ્યા છે.
મીડિયા સૂત્રોના જણાવ્યા અનુસાર, 2024માં ભારતીયો દ્વારા સ્વિસ બેંકોમાં જમા કરાયેલ કુલ રકમ 3.5 અબજ સ્વિસ ફ્રેંક એટલે કે લગભગ 37,600 કરોડ રૂપિયા છે. અને ખાસ વાત એ છે કે, તે 2023 કરતા 3 ગણી વધારે છે. 2023માં ભારતીયો દ્વારા જમા કરાયેલ કુલ રકમ 1.04 અબજ સ્વિસ ફ્રેંક (લગભગ 11,000 કરોડ રૂપિયા) હતી.
અહીં તમને જણાવી દઈએ કે, સ્વિસ અધિકારીઓ સિવાય, ભારત સરકારે પણ સ્પષ્ટ કર્યું છે કે, સ્વિસ બેંકોમાં જમા કરાયેલા બધા પૈસાને કાળા નાણાં ગણી શકાય નહીં. શેર કરેલા આંકડા સ્વિસ નેશનલ બેંક (SNB)ના સત્તાવાર રેકોર્ડમાંથી છે જે બેંકોની (Liabilities) જવાબદારીઓ જણાવે છે.
અહીં તમને જણાવી દઈએ કે, આમાં NRI, ભારતીયો અથવા અન્ય લોકો ત્રીજા દેશોમાં કંપનીઓના નામે જમા કરેલા પૈસાનો સમાવેશ થતો નથી. સ્વિસ અધિકારીઓ કહે છે કે, તેઓ છેતરપિંડી અને કરચોરી સામેની લડાઈમાં ભારતને મદદ કરે છે.
સ્વિટ્ઝર્લૅન્ડ 2018થી ઓટોમેટિક એક્સચેન્જ ઑફ ઇન્ફર્મેશન એગ્રીમેન્ટ હેઠળ ભારતીય રહેવાસીઓનો વાર્ષિક નાણાકીય ડેટા શેર કરી રહ્યું છે. ભારતીય અધિકારીઓને પ્રથમ ડેટા ટ્રાન્સફર સપ્ટેમ્બર 2019માં થયો હતો. ત્યારથી, નાણાકીય અનિયમિતતા સાથે શંકાસ્પદ લિંક્સ ધરાવતા ખાતાઓ સહિત નિયમિત માહિતી શેર કરવામાં આવી રહી છે. જેથી ખાતરી કરી શકાય કે, કોઈ ગેરકાયદેસર ભંડોળ અથવા કરચોરી નથી થઇ રહી.
સ્વિસ બેંકોમાં નાણાંના સંદર્ભમાં ભારત વૈશ્વિક સ્તરે 48મા સ્થાને પહોંચી ગયું છે, જે ગયા વર્ષે 67મા સ્થાને હતું. જો કે, તે હજુ પણ 2022ના અંતમાં તેના 46મા ક્રમથી નીચે છે.