બિહાર વિધાનસભામાં કારમી અને શરમ જનક હારનો સામનો કર્યા પછી કોંગ્રેસે મહારાષ્ટ્રમાં BMCની ચૂંટણીને લઇને મોટી જાહેરાત કરી છે. મુંબઇમાં એક કાર્યક્રમ દરમિયાન કોંગ્રેસના પ્રભારી રમેશ ચેન્નીથલાએ કહ્યુ કે, આ વખતની BMCની ચૂંટણી કોંગ્રેસ બધી 227 બેઠકો પર એકલા હાથે લડશે અને બધી બેઠકો પર કોંગેસના ઉમેદવાર ઉભા રાખશે.
આ નિર્ણયનો સીધો મતલબ એ થાય છે કે, મહારાષ્ટ્રમાં મહાવિકાસ અઘાડી ગઠબંધનમાં મોટી તિરાડ પડી ગઇ છે. ઉદ્ધવ ઠાકરેની શિવસેના અને શરદ પવારની NCP મહાયુતિ સાથે મળીને BMC ચૂંટણી લડવા માંગતા હતા, પરંતુ કોંગ્રેસ પોતાની જ સહયોગી પાર્ટીઓને મોટો ઝટકો આપ્યો છે. સમાજવાદી પાર્ટી આ પહેલા જ એકલા હાથે ચૂંટણી લડવાની જાહેરાત કરી ચૂક્યું છે.
