આજની રફતારભરી જીવનશૈલીમાં ઘણી વખત લોકો મોડીરાત્રે સુધી મોબાઇલ ફોન સ્ક્રોલ કરે છે અથવા સિરીઝનો “એક એપિસોડ વધુ” જોઇ લે છે. દેખીતી રીતે તો આ બિનહાનિકારક લાગે છે, પરંતુ સતત ઊંઘની અછત શરીર પર ગંભીર પ્રભાવ પાડે છે. થાક, તણાવ, સોજા સંબંધિત રોગો અને ડાયાબિટીસ જેવી મેટાબોલિક સમસ્યાઓની સંભાવના વધી શકે છે.
સ્વસ્થ ઊંઘ દરમિયાન શરીરમાં મેલેટોનિન સહિત અગત્યનાં હોર્મોન્સ બને છે અને રીપેર તથા ઇમ્યુન સિસ્ટમને મજબૂત બનાવવાની પ્રક્રિયા સક્રિય થાય છે. જ્યારે ઊંઘનું ચક્ર ખોરવાય છે ત્યારે શરીર “રીચાર્જ” થતું નથી અને શરીરનું રક્ષણ કરતા કોષો સંક્રમણો અને કેન્સર જેવી ગંભીર બીમારીઓ સામે ઓછા અસરકારક બનતા જાય છે.
ઊંઘને પણ ‘મેડિકલ પ્રાયોરિટી’ બનાવો
લાંબા સમય સુધી સ્વસ્થ રહેવા, કેન્સર સહિતના રોગોથી સુરક્ષા — આ બધું સારી અને નિયમિત ઊંઘ પર નિર્ભર છે.
મારી ભલામણ:
-દરરોજ 7–8 કલાક નિરાંતે, ઊંડી ઊંઘ લો જેથી ઇમ્યુન સિસ્ટમ સંપૂર્ણ રીતે મજબૂત થઈ શકે.
– સૂવા પહેલાં ઓછામાં ઓછા એક કલાક સુધી સ્ક્રીનનો ઉપયોગ ટાળો, કારણ કે બ્લુ લાઇટ મેલેટોનિનને અટકાવે છે.
– ઊંઘને અનિવાર્ય રોજીંદા નિયમ તરીકે અપનાવો — દવાઓ અથવા હેલ્થ ચેકઅપ જેટલું જ મહત્વ આપો.
– આરોગ્યનો આધારસ્તંભ: પુરતી ઊંઘ
કેન્સર સારવારમાં લાંબા સમય કામ કરીને મેં જોયું છે કે ખોરાક, વ્યાયામ અને તણાવ નિયંત્રણ જેટલું જ મહત્ત્વનું છે એટલું જપૂરતી ઊંઘ પણ છે. પરંતુ સૌથી વધુ અવગણવામાં આવતી બાબત ઊંઘ જ છે. આ એક એવો શત્રુ છે જે હળવે હળવે શરીરની પ્રાકૃતિક રક્ષણકવચને નબળું બનાવે છે.
જો તમે સંક્રમણથી સુરક્ષા, ઝડપી સ્વસ્થતા અને લાંબુ આરોગ્યમય જીવન ઇચ્છો છો — રાતનું સન્માન કરો, ઊંઘને પ્રાથમિકતા આપો.
