પ્રેમની કોઈ ઉંમર નથી હોતી… તમે કદાચ આ કહેવત સાંભળી હશે, પરંતુ જ્યારે તે સાચી સાબિત થાય છે ત્યારે દુનિયા ઘણીવાર આશ્ચર્યચકિત થઈ જાય છે. આ પ્રકારની એક અનોખી કહાની હાલમાં સોશિયલ મીડિયા પર વાયરલ થઈ રહી છે, જેના કારણે વ્યાપક ચર્ચા થઈ રહી છે.
81 વર્ષીય ફ્રેન્ચ મહિલાને આફ્રિકન દેશ સેનેગલના 24 વર્ષીય પુરુષ સાથે ઇન્ટરનેટ દ્વારા પ્રેમ થઇ ગયયો. બે વર્ષ સુધી ફક્ત વીડિયો કૉલ્સ અને મેસેજ દ્વારા વાતચીત કર્યા પછી, આ વૃદ્ધ મહિલાએ પોતાના પ્રમને મળવા માટે હજારો કિલોમીટરની દૂરી નક્કી કરી અને સેનેગલ પહોંચી ગઇ. એરપોર્ટ પર તેમની મીટિંગનો એક વીડિયો હવે સોશિયલ મીડિયા પર આગની જેમ ફેલાઈ રહ્યો છે, જેના પર ખૂબ બહેસ છેડાઇ છે.
આજના ડિજિટલ યુગમાં અંતર મહત્ત્વ ધરાવતું નથી અને આ દંપતીએ બરાબર તે સાબિત કર્યું છે. 81 વર્ષીય ફ્રેન્ચ મહિલા અને 24 વર્ષીય સેનેગલના પુરુષ વચ્ચે 57 વર્ષનો નોંધપાત્ર વય તફાવત છે. બે વર્ષ સુધી ઓનલાઈન જોડાયેલા રહ્યા પછી, મહિલા સેનેગલના એરપોર્ટ પર પહોંચી, જ્યાં આ દંપતી ફિલ્મના એક સ્ટાઇલમાં એક-બીજાને ગળે લગાવતા જોવા મળ્યા. કોઈએ આ અનોખી ક્ષણને કેમેરામાં કેદ કરી લીધી, અને તે હવે ઇન્ટરનેટ પર ચર્ચાનો મુખ્ય વિષય બની ગઇ છે.
આ સંબંધ ફક્ત આ મુલાકાત સુધી મર્યાદિત નથી; આ દંપતીએ પોતાના સંબંધોને એક ડગલું આગળ વધારવાનો નિર્ણય લીધો છે. અહેવાલો અનુસાર, સેનેગલમાં મળ્યા પછી, આ દંપતી હવે ફ્રાન્સ પાછા ફરવાની તૈયારી કરી રહ્યું છે. તેઓ સપ્ટેમ્બર 2026માં સત્તાવાર રીતે લગ્ન કરવાની યોજના ધરાવે છે. આ નિર્ણયના સમાચારોએ સોશિયલ મીડિયા વપરાશકર્તાઓને વિભાજિત કરી દીધા છે; જ્યારે કેટલાક તેને ઉંમરની ચિંતા કર્યા વિના સાચા પ્રેમ તરીકે જુએ છે, તો અન્ય લોકો સંબંધ વિશે પ્રશ્નો ઉભા કરી રહ્યા છે.