ભારત અને વેસ્ટ ઈન્ડીઝ વચ્ચે રમાયેલી બીજી T20 મેચમાં રનનો વરસાદ જોવા મળ્યો, જેનાથી બેટ અને બોલ વચ્ચેના સંતુલન અંગે ગંભીર પ્રશ્નો ઊભા થયા છે. આ મેચમાં પ્રથમ બેટિંગ કરતા ભારતે 249 રન બનાવ્યા હતા; તેના જવાબમાં, વેસ્ટ ઈન્ડીઝે પ્રથમ ઓવરમાં જ બે વિકેટ ગુમાવી દીધી હોવા છતા, કેપ્ટન શાઈ હોપની ધમાકેદાર સદીની મદદથી 18.3 ઓવરમાં 252 રન બનાવી ઐતિહાસિક જીત મેળવી. આ મેચમાં 40થી પણ ઓછી ઓવરની રમતમાં બંને ટીમોએ મળીને કુલ 501 રન ફટકાર્યા. આ હાઈ-સ્કોરિંગ મેચ બાદ, ભારતીય ટીમના હેડ કોચ ગૌતમ ગંભીરે પ્રેસ કોન્ફરન્સ દરમિયાન રાંચીની ફ્લેટ પિચની આકરી ટીકા કરી હતી.
મેચ બાદ મીડિયા સાથે વાત કરતા ગંભીરે સ્પષ્ટ શબ્દોમાં કહ્યું કે, આ માત્ર ચોગ્ગા- છગ્ગાના પ્રદર્શનને ક્રિકેટ ન કહી શકાય. શું તમે બેટ અને બોલ વચ્ચે સારો મુકાબલો જોવા નથી માંગતા? અમે પણ એ જ ઈચ્છીએ છીએ. પરંતુ જો તમે માત્ર ચોગ્ગા અને છગ્ગા જ જોવા માંગતા હોવ, તો અમે પણ તે જ જોવા માટે તૈયાર છીએ. પરંતુ જો તમારે સમાન સ્પર્ધા જોઈતી હોય, તો અમે પણ તે જ ઈચ્છીએ છીએ. આ બોલરો આપણા જ બોલર છે; તેમની કારકિર્દી પણ દાવ પર છે. તેઓ આ ડ્રેસિંગ રૂમ સુધી પહોંચવા માટે ખૂબ જ મહેનત કરીને આવ્યા છે; એવું નથી કે તેમણે સખત મહેનત કરી નથી. તેથી, એટલે બેટ અને બોલ વચ્ચે બરાબરીની ટક્કર થશે, ત્યારે જ આપણને વધુ સારી ક્રિકેટ જોવા મળશે.
સામાન્ય રીતે એવું માનવામાં આવે છે કે ટીમો મેચ હાર્યા પછી પીચને દોષ આપે છે, પરંતુ ગંભીરનું વલણ કોઈ એક પરિણામ પર નિર્ભર નથી. તાજેતરમાં વ્હાઇટ-બોલ સીરિઝમાં આ બીજી વખત છે જ્યારે ભારતીય કોચે પીચના વ્યવહાર અંગે પ્રશ્નો ઉઠાવ્યા છે. આ અગાઉ, બીજી વન-ડે મેચમાં વેસ્ટ ઈન્ડીઝે 405 રન બનાવ્યા હતા અને ભારતે શુભમન ગિલની બેવડી સદીની મદદથી 8 વિકેટ બાકી રહેતા 406 રનનો રેકોર્ડ રનચેઝ હાંસલ કર્યો હતો, ત્યારે પણ ગંભીર ખુશ નહોતા.
આ મેચમાં વેસ્ટ ઈન્ડીઝની જીત બાદ પાંચ મેચની T20 સીરિઝ હવે 1-1થી બરાબરી પર આવી ગઈ છે. સીરિઝની ત્રીજી મેચ 11 ઓક્ટોબરે રમાવાની છે અને બંને ટીમો તેમાં લીડ મેળવવાનો પ્રયાસ કરશે. તો, એ જોવાનું રસપ્રદ રહેશે કે શું પીચ ક્યૂરેટર્સ બેટ્સમેનોને મદદગાર હાઈવે જેવી પીચોને બદલે આગામી મેચોમાં બોલરોને પણ તક મળે તેવી પિચો તૈયાર કરે છે કે નહીં.