પંજાબના મુખ્યમંત્રી ભગવંત માન લેપ્ટોસ્પાઇરોસિસ બીમારીથી પીડિત છે. તેમને દવાઓ આપવામાં આવી રહી છે. મોહાલીની ફોર્ટિસ હૉસ્પિટલના કાર્ડિયોલોજી વિભાગના ડિરેક્ટર અને પ્રમુખ ડૉ. આરકે જસવાલે તેમના સ્વાસ્થ્ય બાબતે એક નિવેદનમાં કહ્યું કે, મુખ્યમંત્રીને ઉચિત એન્ટીબાયોટિક્સ આપવામાં આવી રહી છે. તેમણે શનિવારે મુખ્યમંત્રી ભગવંત માનની તપાસ કરી અને તેમના ક્લિનિકલ પેરામીટરમાં મહત્ત્વપૂર્ણ સુધારાના સંકેત મળ્યા છે. પાલ્મોનરી ધમનીના દબાવમાં વૃદ્ધિ માટે ઉપચાર પર પણ તેમના સંકેત સારા રહ્યા છે.
હાલના સમયમાં મુખ્યમંત્રીના બધા જરૂરી અંગ પૂરી રીતે સ્થિર છે. સખત તાવ આવવાના કારણે દાખલ થતી વખત એવી આશંકા હતી કે લેપ્ટોસ્પાઇરોસિસ માટે તેમના બ્લડ ટેસ્ટ પોઝિટિવ આવ્યા છે. મુખ્યમંત્રીને પહેલાથી જ એન્ટીબાયોટિક્સ આપવામાં આવી રહી છે. બધા ક્લિનિકલ સંકેત અને રોગ સંબંધિત પરીક્ષણોમાં સંતોષકારક સુધાર નજરે પડ્યો છે. ચંડીગઢ સ્થિત ઇન્ટરનલ મેડિસિન સ્પેશિયાલિસ્ટ ડૉ. સંદીપ છતવાલના જણાવ્યા મુજબ જો સમય રહેતા તેની જાણકારી મળી જાય તો એ સંક્રમણ સારું થઈ શકે છે.
તેમણે એક અખબારને જણાવ્યું કે લેપ્ટોસ્પાઇરોસિસ એક એવી બીમારી છે જે સંક્રમિત પ્રાણીનું મૂત્ર, મનુષ્યના સંપર્કમાં આવવાથી ફેલાય છે. આ એક વાયરલ સંક્રમણની જેમ હોય છે અને જો તેની સારવાર ન કરવામાં આવે તો આ લીવર અને કિડની ફેલિયરનું કારણ બની શકે છે. જો સમય રહેતા તેની જાણકારી મળી જાય તો તે એન્ટીબાયોટિક દવાઓથી પૂરી રીતે સારી થઈ શકે છે.
એક અન્ય ઇન્ટરનલ મેડિસિન સ્પેશિયાલિસ્ટ ડૉ. જી રંજીત કુમારે કહ્યું કે, લેપ્ટોસ્પાઇરોસિસ સ્પાઇરોકેટ લેપ્ટોસ્પાઇરોસિસના કારણે થતું જૂનોટિક સંક્રમણ છે, જેના માટે સ્તનધારી વિશેષ રૂપે રોડેન્ટ્સ (બ્લૂ ઉંદર) ગોદામના રૂપમાં કાર્ય કરે છે, જ્યારે તેઓ આ જીવને પર્યાવરણમાં છોડે છે અને જ્યારે મનુષ્ય એવા વાતાવરણના સંપર્કમાં આવે છે તો તે લેપ્ટોસ્પાઇરોસિસનું કારણ બને છે.
તે સામાન્ય રૂપે તાવ, માયલગિયા અને માથાના દુઃખવા જેવી ગેર-વિશિષ્ટ, તીવ્ર જ્વર બીમારીના રૂપમાં પ્રકટ થાય છે અને તેને ઇન્ફ્લૂએન્જા અને ડેન્ગ્યૂ તાવ જેવી અન્ય બીમારીઓની જેમ માની લેવામાં આવે છે. લુધિયાણા સ્થિત ગુરુ અંગદ દેવ પશુ ચિકિત્સા અને પશુ વિજ્ઞાન યુનિવર્સિટીમાં પશુ ચિકિત્સા માટે સેવાનિવૃત્ત પ્રોફેસર ડૉ. સી.એસ. રંધવારાએ કહ્યું કે, દેશના આ હિસ્સામાં લેપ્ટોસ્પાઇરોસિસ એક અસામાન્ય બીમારી છે. દક્ષિણ ભારતમાં તેને રિપોર્ટ કરવામાં આવી છે.
તેમણે કહ્યું કે, આ એક જૂનોટિક બીમારી છે અને સંક્રમિત પ્રાણીઓમાંથી ફેલાય છે. તેના 3-4 પ્રકારના સંક્રમણ હોય છે અને જો સમય પર તેની સારવાર ન કરામાં આવે તો સેપ્ટીસીમિયા અને ક્રોનિક રિનલ ફેલિયરનું કારણ બની શકે છે. એ સામાન્ય રીતે ઉંદરોમાંથી ફેલાય છે. એ સામાન્ય રીતે દક્ષિણ ભારતમાં ફેલાય છે, જ્યાં કોઈ જળ સંસ્થા છે. પંજાબમાં કોઈ પણ પ્રાણીને એવી કોઈ બીમારીથી સંક્રમિત હોવાનું જાણવા મળ્યું નથી. એટલે અમે પોતાના પાલતુ શ્વાનોને આ બીમારી માટે વેક્સીન લગાવવાની પણ સલાહ આપતા નથી.
મુખ્યમંત્રીના નજીકના લોકોએ કહ્યું કે, તેમની પાસે 2 પાળતું શ્વાન છે અને શંકા છે કે તેમને એક શ્વાનથી આ સંક્રમણ થયું છે. તેમણે કહ્યું કે, રવિવારે પણ તેમને હૉસ્પિટલમાંથી રજા નહીં મળી શકે. આમ આદમી પાર્ટી (AAP)ના સંગઠન મહાસચિવ ડૉ. સંદીપ પાઠકે હૉસ્પિટલમાં મુખ્યમંત્રી સાથે મુલાકાત કરી હતી. હૉસ્પિટલથી આવ્યા બાદ તેમણે મીડિયાને જણાવ્યું કે, મુખ્યમંત્રી સારા છે. તેઓ પૂરી રીતે સ્વસ્થ છે.
