સુરતના સિટીલાઇટ રોડ પર આવેલા ફોર્ચ્યુન મોલના જીમમાં શોર્ટ સર્કીટને કારણે આગ લાગી હતી અને તેમાં બે મહિલાના મોત થયા છે. જો કે દિવાળી વેકેશન હોવાને કારણે જીમ બંધ હતી એટલે રાજકોટ જેવી ભયાનક ઘટના બનતા અટકી ગઇ હતી.
સિટીલાઇટ રોડ પર જીમ-11માં એક અમૃતયા સ્પા પણ ચાલે છે. બુધવારે સાંજે આગ લાગી અને તેમાં સિક્કીમની 2 મહિલાઓ બીનુ લિંબુ અને મનીષા રોયના મોત થયા. મનિષા તો હજુ એક મહિના પહેલાં જ સિક્કીમથી સુરત આવી હતી.
જે સમયે આગની ઘટના બની એ સમયે સામાન્ય દિવસોમાં જીમમાં 150થી વધારે લોકોની અવર જવર રહેતી હોય છે અને સાંજે 4થી 6માં બાળકોની જિમનેસ્ટીક ટ્રેનિંગ ચાલે છે. સદનસીબે વેકેશનનને કારણે બધું બંધ હતું.માત્ર સ્ટાફ હાજર હતો.
