વાવ પેટા ચૂંટણીમાં ભાજપની જીત પછી સુરતના એક કાર્યક્રમમાં સી આર પાટીલે સંકેત આપ્યા હતા કે તેઓ હવે ગુજરાત પ્રદેશ ભાજપ પ્રમુખનું પદ છોડશે. તેમણે કહ્યુ હતુ કે મારી વિદાય હવે વસમી નહીં બને, કાર્યકરોએ વાવ બેઠક જીતાડીને મને ખુશી આપી છે. પાટીલના આ નિવેદન પછી ગુજરાત પ્રદેશ પ્રમુખ નવા આવશે એ ચર્ચાએ જોર પકડ્યું હતું.
ZEE ન્યૂઝ ગુજરાતીના એક અહેવાલમાં કહેવામાં આવ્યું છે કે, ભાજપ હાઇકમાન્ડ અત્યારે ગુજરાત ભાજપના પ્રદેશ પ્રમુખ તરીકે સી આર પાટીલને બદલવાના મૂડમાં નથી. સ્થાનિક સ્વરાજ સસ્થાઓની ચૂંટણી પાટીલના નેજા હેઠળ લડાશે. એક શક્યતાએ પણ છે કે 14 જાન્યુઆરીએ કમૂરતા પુરા થશે એટલે 15 જાન્યુઆરી સુધી પાટીલને જ ગુજરાત પ્રદેશ પ્રમુખની જવાબદારી આપવામાં આવે.
