‘પાતાલ લોક-2’નું ટ્રેલર રીલિઝ, હાથીરામના રોલમાં ફરી એકવાર ધૂમ મચાવશે જયદીપ

એમેઝોન પ્રાઇમ વીડિયોની ફેમસ સીરિઝ પાતાલ લોકની સીઝન 2 ટ્રેલર રીલિઝ થઈ ગયું છે. અભિનેતા જયદીપ અહલાવતની સૌથી લોકપ્રિય વેબ સીરિઝ પૈકીની એક ‘પાતાલ લોક 2’નું ટ્રેલરમાં હાથીરામ ચૌધરીના રોલમાં જયદીપ અહલાવત ધૂમ મચાવવા માટે તૈયાર છે. તે નાગાલેન્ડમાં એક હત્યાનું રહસ્ય ઉકેલતો જોવા મળશે, જેના છેડા પ્રથમ સિઝનના પાત્રો સાથે જોડાયેલા છે. ‘પાતાલ લોક 2’નું ટ્રેલર ક્રાઈમ, થ્રિલર અને સસ્પેન્સથી ભરપૂર છે. ટ્રેલર એક ખાસ વર્ણન સાથે શરૂ થાય છે. પછી નાગાલેન્ડના એક મોટા વ્યક્તિના મર્ડરનો મામલો સામે આવ્યો, જેને ઉકેલવાની જવાબદારી દિલ્હી પોલીસને અપાઈ. ટ્રેલરમાં હીરો જયદીપ અહલાવત ઈન્સ્પેક્ટર હાથીરામ ચૌધરીના રૂપમાં હત્યાના નવા રહસ્યો ઉકેલતો જોવા મળશે. આ યાત્રામાં તેને ઘણી મુશ્કેલીઓનો પણ સામનો કરવો પડશે. નવા પડકારોનો સામનો કરવા અને હત્યા કેસનું સત્ય જાણવા હાથીરામને નાગાલેન્ડ જવું પડશે.

2 દિવસ પહેલા ટીઝર થયું હતું રીલિઝ…

એમેઝોન પ્રાઇમ વીડિયોની ફેમસ વેબ સીરિઝ ‘પાતાલ લોક-2’નું ટીઝર રીલિઝ થઈ ગયું છે. ટીઝર રીલિઝ થતાની સાથે જ તે સોશિયલ મીડિયા પર વાયરલ થવા લાગ્યું અને યુઝર્સે તેના પર પોતાના પ્રતિભાવ આપવાનું શરૂ કરી દીધું છે. જયદીપ અહલાવત સ્ટારર સીરિઝની સીઝન 2 17 જાન્યુઆરીએ પ્રાઇમ વીડિયો પર રીલિઝ થશે. આ સીરિઝમાં જયદીપ સાથે ઈશ્વાક સિંહ અને નીરજ કબી કામ કરી રહ્યા છે.

ટીઝરની વાત કરીએ તો જયદીપ અહલાવતનો લૂક એકદમ શાર્પ છે. તેણે પેન્ટ-શર્ટ અને જેકેટ પહેરેલું છે. વાળ ખૂબ જ સારી રીતે બનાવવામાં આવ્યા છે. લિફ્ટમાં પ્રવેશ્યા પછી જયદીપ એક વાર્તા શરૂ કરે છે. તે ગામમાં રહેતા એક માણસ વિશે કહે છે જેને જંતુઓથી નફરત છે. માણસ જંતુઓથી અંતર જાળવી રાખે છે અને જ્યારે તે તેને જુએ છે ત્યારે તેને મારી નાખે છે.

એક દિવસ એક જંતુ તેના ઘરમાં પ્રવેશે છે, તેને માર્યા પછી તે હીરો બની જાય છે. થોડા દિવસો સુધી શાંતિથી ઊંઘ્યા પછી વ્યક્તિ ફરીથી તેના ઘરમાં જંતુઓ શોધે છે. પરંતુ આ વખતે માત્ર એક જંતુ નથી, પરંતુ 100-1000 છે. જયદીપ કહે છે  તમને શું લાગ્યું કે જો તમે એક જંતુને મારી નાખશો તો બધું ખતમ થઈ જશે? પાતાલ લોકમાં આવું થતું નથી.