સોશિયલ મીડિયામાં એક વીડિયો વાયરલ થઇ રહ્યો છે, જેમાં એક ઓફિસમાં અધિકારી પર લોકો ચિલ્લાઇને રજૂઆત કરી રહ્યા છે અને તેમની પર નોટોનો વરસાદ કરીને બોલી રહ્યા છે, લે, ખા, કેટલા રૂપિયા ખાશે? વીડિયોમાં લોકો ગુજરાતી ભાષામાં વાત કરી રહ્યા છે એટલે વીડિયો ગુજરાતનું હોવાનું માનવામાં આવે છે.
એક ચેનલે જ્યારે આ વીડિયોની તપાસ કરી તો ખબર પડી કે વીડિયો સાચો છે અને અમદાવાદના ધોળકા વિસ્તારની નગર પાલિકાનો છે. ધોળકા નગર પાલિકામાં નેતા વિપક્ષ અને કોંગ્રેસ નેતા નુરજહાં સૈયદના નેતૃત્વમાં કેટલાંક લોકો રોડ રસ્તા, ગટરની મુશ્કેલી માટે આવેદન પત્ર આપવા ગયા હતા. પાલિકા અધિકારી પર નોટોનો વરસાદ કરવામાં આવ્યો. જો કે આ નકલી નોટો હોવાનું સામે આવ્યું છે.
