જો રોગો મટાડતી દવાઓ નફાખોરીનું સાધન બની જાય છે, તો પછી તે સ્વાસ્થ્યને સારું કરવાને બદલે તેના માટે નવી સમસ્યાઓ ઊભી કરવા લાગે છે. તેથી, આ દવાઓ પર નજર રાખવી જરૂરી છે. તપાસ એજન્સીઓએ હવે એક સરખી દેખાતી દવાઓ અને સમાન લાગતી બ્રાન્ડ પર કાર્યવાહી કરવાની તૈયારી કરી લીધી છે. હકીકતમાં, દવા બજારમાં ઘણી બધી દવાઓ ઉપલબ્ધ છે જે એકસરખી દેખાય છે અને એક સરખા નામ ધરાવે છે, જેના કારણે દર્દી મૂંઝવણમાં મુકાઈ જાય છે અને ખોટી દવા લઇ લે છે. આ કારણે તેનો જીવ જોખમમાં આવી શકે છે.
તમારે આને વ્યવસાયિક ભાષામાં સમજવું જોઈએ. ધારો કે કોઈ દવાનો વપરાશ ખૂબ જ વધારે છે અને તેની ઉત્પાદક કંપની તેમાંથી ઘણો નફો કમાઈ રહી છે. જો બીજી કંપની પણ આટલો જ નફો મેળવવા માંગે છે, તો તે દવાની બ્રાન્ડ જેવા જ નામની તે જ દવા બજારમાં લોન્ચ કરશે. દર્દીઓ નાનો તફાવત સમજી શકતા નથી અને તેઓ સમાન દેખાતી અને સમાન નામ ધરાવતી દવાઓ લઇ લે છે અને તેનું સેવન કરે છે. પરંતુ આ દવાઓની રચનામાં તફાવત હોય છે.
આવી સ્થિતિમાં, સરકાર હવે ફક્ત તે જ બ્રાન્ડ નામોને માન્ય ગણશે જેને અગાઉ રેગ્યુલેટર દ્વારા મંજૂરી આપવામાં આવી હતી. બાકી તેના જેવી જ અથવા તેવું જ નામ ધરાવતી અને તેના જેવી જ દેખાવ ધરાવતી અન્ય બ્રાન્ડને બજારમાં લાવવાની મંજૂરી આપવામાં આવશે નહીં. દવા ઉત્પાદકોને ટૂંક સમયમાં જ સરકારી પોર્ટલ પર બ્રાન્ડ નામો તેમજ તેમના ઉત્પાદનોની રચનાની વિગતો અપલોડ કરવા માટે કહેવામાં આવશે.
એટલે કે, હવે જો દવા બનાવતી કંપનીઓ પોતાની બ્રાન્ડની દવા બજારમાં લાવવા માંગે છે, તો તેણે સાબિત કરવું પડશે કે, તે રેગ્યુલેટર પાસે ગઈ હતી અને પહેલા મંજૂરી મળી હતી. તે આને લગતા દસ્તાવેજો સરકારી પોર્ટલ પર અપલોડ કરશે.
અહીં તમને જણાવી દઈએ કે, અગાઉ પણ આવો જ એક મામલો તપાસમાં સામે આવ્યો હતો, જેમાં ખુલાસો થયો હતો કે, મોટી બ્રાન્ડેડ કંપનીઓ જરૂરી મંજૂરી વગર ફિક્સ્ડ ડોઝ કોમ્બિનેશન (FDC) દવાઓનું ઉત્પાદન અને વેચાણ કરી રહી છે. જેની સીધી અસર દર્દીઓ પર પડી રહી છે. FDCમાં ગેરરીતિના કારણે દર્દીઓને બિનજરૂરી દવાઓ પણ લેવાની ફરજ પડી રહી છે.