અમેરિકામાં મંદીની આશંકા વચ્ચે ગ્લોબલ માર્કેટમાં ભારે તડાકાની અસર આજે ભારતીય શેર બજારમાં પણ જોવા મળી રહી છે, પરંતુ આ દરમિયાન Zomatoના શેરોમાં તોફાની તેજી યથાવત છે. Zomatoના શેર શુક્રવારે 19 ટકાથી વધારે ચઢીને 278.45 રૂપિયા ઓલ ટાઇમ હાઇ લેવલ પર પહોંચી ગયા. તો કંપનીનું કુલ બજાર પૂંજીકરણ (MCap) 2.46 લાખ કરોડ રૂપિયાના સ્તર પર પહોંચી ગયું છે. ગત કારોબારી સત્રમાં Zomatoના શેર 234.10 રૂપિયા પર બંધ થયા હતા, જેનું કુલ મૂલ્યાંકન દિવસ માટે 2.06 લાખ કરોડ હતું.
કંપનીએ પોતાના MCapમાં લગભગ 40 હજાર કરોડ રૂપિયા થોડા જ કલાકોમાં જોડ્યા છે. આ શાનદાર ઉછાળા વચ્ચે Zomatoઆ CEO અને શાર્ક ટેન્ક ફેમ દીપિન્દર ગોયલના નેટવર્થમાં 1638 કરોડ કરતા વધુનો ઉછાળ આવ્યો છે. તેમની પાસે 30 જૂન 2024 સુધી કંપનીમાં 36,94,71,500 ઇક્વિટી શેર કે 4.19 ટકા હિસ્સેદારી હતી. એ હિસાબે જોવા જઈએ તો જ્યારે Zomatoના શેર દિવસના ઉચ્ચતર સ્તર પર હતા, તો કંપનીમાં દીપિન્દર ગોયલની હિસ્સેદારી 10,288 કરોડ રૂપિયા હતી.
Zomato એક એવી કંપની છે જેનો કોઈ પ્રમોટર નથી. અન્ય પ્રમુખ હિતધારકોમાં ઇન્ફો એજ (ઈન્ડિયા) છે. તેણે આજે લગભગ 5300 કરોડ રૂપિયાની કમાણી કરી છે કેમ કે Zomatoમાં તેનું કુલ સ્વામિત્વ વધીને 33,265 કરોડ રૂપિયા થઈ ગયું. જૂન 2024 ત્રિમાસિકના અંત સુધી તેની પાસે કંપનીના 1,19,46,87,095 ઇક્વિટી શેર હતા. Zomatoએ નાણાકીય વર્ષ 2025ના જૂન ત્રિમાસિકના પરિણામ જાહેર કર્યા, જે હેઠળ કંપનીને રેકોર્ડ નફો થયો છે. કંપનીએ એક્સચેન્જમાં જણાવ્યું કે, હાલના કારોબારી વર્ષની પહેલી ત્રિમાસિકમાં તેની નફો 12550 ટકા સુધી વધ્યો છે.
કંપનીનો નફો 2 કરોડ રૂપિયાથી વધીને 253 કરોડ રૂપિયા થઈ ગયો છે. કંપનીની કન્સોલિડેટેડ કમાણી 2416 કરોડ રૂપિયાથી વધીને વાર્ષિક 4206 કરોડ રૂપિયા થઈ ગઈ છે. આ કારણે તેના શેરોમાં આજે શાનદાર ઉછાળ જોવા મળી રહ્યો છે. કંપનીના EBITDA વાર્ષિક આધાર પર શાનદાર નફો થયો છે. કંપનીનો EBITDA ગયા વર્ષની આ ત્રિમાસિકમાં 48 કરોડ રૂપિયાના નુકસાનની તુલનામાં 177 કરોડ રૂપિયા થઈ ચૂક્યો છે. કંપનીની ફૂડ ડિલિવરી કમાણી 186 કરોડ રૂપિયાથી વધીને 321 કરોડ રૂપિયા થઈ છે. તો રેવેન્યૂ 74 ટકાથી પણ વધારે વધી છે.