મહારાષ્ટ્રમાં 20 નવેમ્બરે વિધાનસભાની ચૂંટણી છે અને બધી પાર્ટીઓ તૈયારીમાં લાગેલી છે. જાણવા મળેલી વિગત મુજબ રાષ્ટ્રીય સ્વંય સેવક સંઘ (RSS)એ મહારાષ્ટ્રમાં DD-MM રણનીતિથી કામ શરૂ કર્યું છે.DD એટલે ડોર ટુ ડોર કેમ્પેઇન અને MM એટલે મેન ટુ મેન માર્કેટીંગ.
RSSના 9000થી વધારે કાર્યકરો અત્યારે મહારાષ્ટ્રમાં દિવસ-રાત કામ કરી રહ્યા છે. સંઘે એક પેપર પણ બહાર પાડ્યું છે જેને રાષ્ટ્રીય મતદાન મંચ આમ આપવામાં આવેલું છે. કોઇ પણ ખાસ પાર્ટી કે ઉમેદવારનું નામ લીધા વગર કાર્યકરો મતદારોને માત્ર વોટની તાકાત વિશે સમજાવી રહ્યા છે અને રાષ્ટ્ર હીતમાં મત આપવાની અપીલ કરી રહ્યા છે. RSSની આ રણનીતિને કારણે મહાવિકાસ અઘાડી ટેન્શનમાં આવી ગઇ છે.
